Fjall og fjara

Landslag og gróðurfar Vestfjarða bera sérstakan svip. Nálægð fjalls og fjöru er óvíða meiri og jafnvel tungutak íbúanna hefur einstakan blæ. Náttúran hefur farið óblíðum höndum um Vestfjarðakjálkann og mótað hann sterkum dráttum. Í friðlandinu á Hornströndum er dýralíf óspillt og hvergi á landinu komast ferðalangar á tveimur jafnfljótum í nánari tengsl við náttúruna. Hótel Edda á Ísafirði er þægilega staðsett og er tilvalinn staður fyrir fólk sem vill ferðast um Vestfirði. Hótelið er með 20 notaleg nýuppgerð herbergi með baði og að auki 20 herbergi með handlaug. Ágætis tjaldstæði eru við hótelið.

• Alls 40 herbergi: 20 með baði og 20 með handlaug
• Svefnpokapláss
• Morgunverðarhlaðborð
• Ráðstefnu- og fundaaðstaða
• Tjaldstæði
• Opið 12. júní – 19. ágúst 2012
• Á lokunardegi lokum við á hádegi, síðustu gestir koma þá inn daginn áður

Við mælum með:

• Skemmtilegum gönguferðum um Eyrina á Ísafirði
• Kajaksiglingu á Pollinum
• Fuglaskoðun í fallegu umhverfi - http://www.vesturferdir.is
• Að fara í sund t.d. á Suðureyri, Bolungarvík eða Flateyri.
• Leigja hjól og hjóla um bæinn - http://www.vesturferdir.is
• Að skoða fuglalífið. Í Skutulsfirði eru fjölmargir staðir sem eru vinsælir fuglaskoðunarstaðir
• Sigling í Vigur. Íbúar í náttúruperlunni Vigur eru rómaðir fyrir einstaka gestrisni sína og gómsætar heimabakaðar kökur. Ríkt fuglalíf er í og við eyjuna og má meðal annars sjá æður og teistu auk þess sem þúsundir lunda hreiðra um sig í holum.
• Heimsókn á Hesteyri. Skemmtileg skoðunar og kaffiferð á Hesteyri þar sem hægt er að fara í stutta göngu og skoða plöntur og fjölbreytta nátturu. Gamla Læknishúsið er kaffihús á sumrin þar sem ferðalöngum er boðið upp á kaffi og með því.
• Golfi í Tungudal. Golfvöllurinn í Tungudal er 9 holu, staðsettur í fögru umhverfi Tungudalsins.
  Að skoða sjóminjasafnið Neðstakaupstað og safnið á Gamla sjúkrahúsinu
• Náttúrugripasafninu í Bolungarvík
• Fjöruferð-fjaran heillar alla, börn jafnt sem fullorðna
• Naustahvilft er skemmtileg ganga en þaðan er frábært útsýni yfir Ísafjörð
• Fossinn Dynjandi og Hrafnseyri við Arnarfjörð er tilvaldir áningarstaðir
• Veiði – silungsveiði eða sjóstangaveiði
• Raggagarður í Súðavík er staður fyrir alla fjölskylduna
• Fjöldi skemmtilegra gönguleiða. Við mælum sérstaklega með 7 nýútkomnum göngukortum um Vestfirði sem fást á Hótel Eddu Ísafirði eða á upplýsingamiðstöðvum Vestfjörðum - www.strandir.is/gongukort

Hafðu samband, við veitum nánari upplýsingar eða aðstoðum þig við að undirbúa ævintýralega heimsókn.

Ísafjörður og nágrenni

Ísafjörður er sjávarþorp og íbúafjöldi er um 3000. Ísafjarðarbær er stærsti byggðakjarni Vestfjarða og á sér langa sögu. Hnífsdalur, Flateyri, Suðureyri og Þingeyri eru nú hluti af sveitarfélaginu Ísafjarðarbær og þorpin Bolungarvík og Súðavík eru í næsta nágrenni. Flugfélag Ísland flýgur áætlanaflug daglega og fjöldinn allur skemmtiferðaskipa kemur við á sumrin. Áætlað er að 30 skip komi til Ísafjarðar sumarið 2010. Ferðaþjónusta er því sívaxandi atvinnugrein. Húsnæði Menntaskóla Ísafjarðar er nýtt sem Eddu sumarhótel.

Áhugaverðir staðir

Safnið í Neðstakaupstað eða „ í Neðsta“ eins og sagt er hér, er í elstu verslunarbyggingum landsins sem enn eru í notkun. Elsta húsið er frá 1757 og var aðalverslun þeirra tíma. Hús verslunarstjórans var byggt 1765. Tjöruhúsið er frá 1781 og Turnhúsið frá 1784. Þegar danska einokunarverslunin frá 1602 leið undir lok 1787 tók samband danskra kaupmanna við versluninni. Þeir entust til 1793. Eftir það voru margir danskir kaupmenn hér, þar á meðal Wilhelm Sass, sem var hér í 30 ár eða þar til Ásgeir Ásgeirsson keypti fyrirtækið. Ásgeirsverslun starfaði til 1918. Byggingarnar voru notaðar eftir það sem geymslur í áraraðir og endanlega var ákveðið að rífa þær. Þá kom verndunarhópur til sögunnar og honum tókst að sannfæra yfirvöld um að hér væru mikil menningarverðmæti í húfi. Húsin voru því endurbyggð og safnið flutti inn. Saltfiskur er þurrkaður á reitunum utanhúss rétt eins og gert var hér áður fyrr. Veitingahús safnsins selur hefðbundna rétti.

Eyjan Vigur ætti að vera á dagskrá hjá öllum sem heimsækja Ísafjörð. Eyjan er ein af þremur í Ísafjarðardjúpi (sjá kort). Hinar eru Æðey og Borgarey. Búið er í Vigur og Æðey. Eyjan Vigur er löng og mjó og tekur nafn sitt frá lögun sinni. Vigur er gamalt orð fyrir sverð og spjót. Elsta bygging á eyjunni er vindmylla frá 1840. Elsti bátur landsins er í Vigur en hann er frá árinu 1800 og var í notkun til ársins 2000. Báturinn var notaður til að flytja fé milli lands og eyjunnar. Hann er enn í góðu standi og haffær. Sami ættliðurinn hefur búið hér í 126 ár. Fyrsta timburhúsið var byggt árið 1884 og er enn í notkun. Búið framleiðir mjólk og meðal hlunninda er æðardúnn, fuglatekja og síaukin ferðamennska. Skipulagðar ferðir eru milli Ísafjarðar og Vigur. Boðin er gönguferð um eyjuna og kaffi og meðlæti á eftir í Viktoríuhúsi. Á gönguferð um eyjuna fá gestir tækifæri til að skoða þúsundir fugla t.d. æðarfugl, lunda og teistu.

Sjóminjasafnið í Ósvör er á hægri hönd þegar ekið er til Bolungarvíkur. Safnið kynnir fiskveiðar eins og þær voru á árum áður. Safnið er opið frá 6. júní til 16. ágúst. Starfsmenn eru klæddir að sið fiskimanna frá fyrri tímum. Í fjörunni er fiskibátur (sexæringur). Fiskur hangir í hjöllum. Á efri hæð hússins eru fleti fiskimanna en niðri eru sýnd verkfæri og hvernig þau voru notuð. Í Ósvör er saltgeymsla og fiskireitur þar sem saltfiskurinn var sólþurrkaður. Þetta safn er einstakt því hvergi annars staðar er sýnt hvernig sjómenn lifðu og störfuðu á fyrri tímum. Þjónustuhús er við safnið. Bolungarvík er skammt frá og hún er af mörgum talin elsta veiðistöð landsins. Ísland var snemma þekkt sem veiðistöð. Í Laxdælu segir frá því að Björn og Helgi, synir Ketils flatnefs fýsti að fara til Íslands því þeir höfðu þaðan margt fýsilegt frétt. Spurðu þeir aldraðan föður sinn hvort hann kæmi ekki með. „Ketill svarar: „Í þá veiðistöð kem ek aldregi á gamals aldri.“ (Laxdæla – 2. Kafli – Guðni Jónsson)

Tungudalur er um 2 km inn í botni Skutulsfjarðar. Golfvöllur Ísafjarðar er hér ásamt tjaldstæði. Gönguleiðir eru fjölmargar með fossum og ilmandi birkitrjám. Njótið dagsins í skjóli og kyrrð. Golfklúbburinn sér um þjónustu á svæðinu. Buná rennur eftir dalnum.

Áhugaverðir staðir utan alfaraleiða

Bolungarvík er lítið sjávarþorp við utanvert Ísafjarðardjúp um 17 km frá Ísafirði. Íbúafjöldi er um 900. Landnámabók segir að Þuríður sundafyllir hafi numið hér land. Aðal atvinnuvegur er fiskveiðar og fiskverkun eins og í öðrum fiskiþorpum á Vestfjörðum. Bolungarvík er nærri bestu fiskimiðunum og ætla má að meðaltími frá veiði til löndunar sé frá tveimur til átta klukkustundum. Mest af fiskinum fer ferskur á ís daglega til Evrópu með flugi. Fiskveiði hefur verið stunduð hér frá landnámsöld (870 – 930). Fyrsti verslunarstaðurinn var opnaður hér árið 1890. Bolungarvík komst í vegasamband 1950 þegar vegurinn um Óshlíð var opnaður. Fram að þeim tíma voru allir flutningar á sjó. Jarðgöng milli Ísafjarðar og Bolungarvíkur eru nú á loka stigi. Það verður mikil samgöngubót því vegurinn um Óshlíð er varasamur vegna grjóthruns. Ástarvika er haldin í Bolungarvík á hverju ári í ágúst.

Hnífsdalur
Á leiðinni til Bolungarvíkur er ekið í genum Hnífsdal sem sameinaðist Ísafirði 1971. Íbúafjöldin er um 250. Lífið hér er fiskur. Frystihúsið Gunnvör sér flestum fyrir atvinnu. Hinir starfa á Ísafirði. Mörg snjóflóð hafa fallið á Hnífsdal úr fjallinu Búðarhyrnu. Hið mannskæðasta var 1910 þegar tuttugu mans fórust og tólf slösuðust alvarlega.

Súðavík er annað lítið þorp á þessum slóðum. Súðavík er í Álftafirði um 17 km austan við Ísafjörð. Um 180 manns búa hér. Störfin eru í fiski og fiskeldi. Norðmenn hófu hvalveiðar héðan árið 1883 og ráku hvalstöðina í tuttugu ár. Snjóflóð féll á byggðina 1995 er fjórtán fórust. Ferðaþjónusta er að aukast og er sjóstangaveiði snar þáttur í henni. Margar gönguleiðir eru út frá Súðavík. Ein af þeim er inn í Valagil í Álftafirði (sjá kort). Þarna má skoða mismunandi hraunlög sem gefa til kynna að hér hafi verið mikil eldstöð fyrir miljónum ára undir Lambadalsfjalli. Landlagið við Valagil er hrikalegt. Merkt gönguleið er frá þjóðveginum upp í Valagil.

Þjóðsögur frá Vesturlandi

Þjóðólfur og Þuríður sundafyllir
Þuríður sundafyllir kom frá Noregi að því er Landnámabók segir og settist að í veiðistöðinni Bolungarvík. Viðurnefnið fékk hún þegar hún með göldrum fyllti öll sund með fiski er hungursneyð ríkti í Noregi. Sagan segir okkur frá Þuríði og bróður hennar Þjóðólfi. Hann kom seina og bað systur sína um land. Hún sagði að hann mætti fá eins mikið og hann gæti girt á einum degi. Þjóðólfur tók sér meira land en um var samið og rifrildi hófst. Þjóðólfi mislíkaði við systur sína og reyndi að stela frá henni uxa. Hún fór með töfraþulu og setti þau álög á hann að hann yrðir að klettadranga sem fuglar mundu drita á. Hann svaraði með álögum á hana að hún yrði að dranga þar sem vindarnir væru sterkastir. Þú getur séð dranga uppi á Óshlið þar sem stífir stormar blása. Dranginn Þjóðólfur hvarf árið 1936 í logni og blíðu og hefur ekki sést síðan. Sennilega höfðu álögin runnið sitt skeið.

Prestarnir í Aðalvík
Aðalvík er lítill flói inn úr Norður-Ísafjarðardjúpi. Víkin er nú í eyði en er vinsæll ferðamannstaður á sumrin. Margir gamli bæir og hús standa enn og er viðhaldið af fólki sem annaðhvort bjó hér eða á ættir sína að rekja hingað. Þetta er nokkuð löng saga um prest og nágranna hans og voru þeir báðir göldróttir. Einu sinni er presturinn var við smíðar niðri í fjöru skrifaði granninn rúnir á spýtu og lét hana reka yfir til prestsins. Rúnirnar höfðu þau áhrif að sá sem las þær varð blindur. Prestur var skáld gott og samdi vísu er gaf honum sjónina á ný. Skrapaði hann rúnirnar af spýtunni og skar nýjar. Síðan setti hann spýtuna á flot og mælti: „Farðu nú til herra þíns og þú skalt verða hans bani ef hann ætlar að nota þig til illra verka á ný.“ Bóndinn tók nú spýtuna og hóf að skera rúnir til að drepa prestinn. Hnífurinn skrapp úr hendi hans og stakkst djúpt í bringu bóndans og lést hann af sárinu.

Galdrar á Vestfjörðum
Vestfirðir eru alræmdir fyrir galdra líkt og Strandir. Þetta er saga um Jóhannes Ólafsson. Galdraafl hans var svo mikið að hann gat sært út illa anda og drauga aðeins með því að senda þeim kveðju. Kona nokkur í Bitrufirði var að verða vitstola vegna draugs sem ásótti hana. Konan sendi mann til Jóhannesar og bað um hjálp. Jóhannes ritaði nokkrar rúnir á blaðsnepil og sagði konunni að henda sneplinum í drauginn næst er hún sæi hann með þeim orðum að Jóhannes sendi honum kveðju. Konan gerði eins og fyrir hana var lagt, losnaði við drauginn og náði góðri heilsu. Flestar sögur um galdra eru frá Vestfjörðum og Ströndum. Við mælum með þjóðsögum Einars Ól. Sveinssonar og Jóns Árnasonar.

Kvöldgöngur

Mælt er með göngu um kaupstaðinn til að skoða gömlu húsin. Í bænum má finna flesta þætti í byggingasögu landsins. Leggið leið ykkar um smábátahöfnina þar sem sjómenn landa afla sínum. Ganga inn í Tungudal sem er um 4 til 5 kílómetra fram og til baka er einnig hressandi kvöldganga.