Hótel Edda heyrir undir Flugleiðahótel sem er alfarið í eigu Icelandair Group sem á 11 dótturfyrirtæki t.d Icelandair, Iceland Travel, Ferðaskrifstofuna Vita og Flugfélag Íslands. Frekari upplýsingar um Icelandair Group má finna hér http://www.icelandairgroup.com

Edduhótelin hafa fyrir löngu unnið sér sess sem hagkvæmur og þægilegur gistimáti á ferðalögum um Ísland. Nú eru starfrækt tólf Edduhótel vítt og breitt um landið og er sérhvert þeirra í námunda við einhverjar af helstu náttúruperlum okkar. Möguleikar og aðstaða til útiveru og afþreyingar í næsta nágrenni hótelanna hafa vaxið hratt á síðustu árum og getur öll fjölskyldan getur fundið eitthvað við sitt hæfi þegar dvalið er á Edduhóteli. Hótelin eru vel staðsett allan hringinn, flest í framhaldsskólum sem ekki eru í notkun á sumrin. Herbergjafjöldinn á Eddu Hótelunum er breytilegur eða frá 28 - 204 herbergi sem ræðst af staðsetningu.

Markmið okkar er að veita vingjarnlega þjónustu á góðu verði. Hvert sem leið þín liggur um landið í sumar finnur þú alltaf Edduhótel í nágrenninu þar sem þú getur staldrað við eða haft bækistöð á meðan þú uppgötvar náttúruperlur landsins.

Veitingastaðirnir á Hótel Eddu eru framúrskarandi og okkar markmið er að nýta hráefni úr nágrenni hótelanna og versla beint frá býli ef kostur er, til að mynda fisk, lambakjöt og grænmeti.