Hótel Edda Ísafirði er fullkomin bækistöð fyrir þá sem eru í ævintýraleit. Ómissandi er að skoða friðlandið á Hornströndum, fara í siglingu um Jökulfirði og í fuglaskoðun í Vigur.

Hótel Edda Laugum er á frægum söguslóðum þar sem fortíðin leynist í hverju spori, hverju örnefni og bæjarnafni.

Hótel Edda ML Laugarvatn er á fallegum stað og er frábær bækistöð fyrir þá sem vilja heimsækja Geysi, Gullfoss og þjóðgarðinn á Þingvöllum.

Hótel Edda ÍKÍ Laugarvatni er á sérlega fallegum og kyrrlátum stað við vatnið. Tilvalinn staður til að láta fara verulega vel um sig í rólegu og heillandi umhverfi.

Náttúran umhverfis Hótel Eddu Skógum er stórbrotin: Skógafoss, Fimmvörðuháls, Eyjafjallajökull og Dyrhólaey. Jafnframt eru þar fallegar gönguleiðir um grónar hlíðar.

Hótel Edda Vík kúrir undir sandsteinsbrekkunum í Vík. Frábært útsýni til sjávar og Mýrdalsjökuls.

Allt umhverfi Hótel Eddu Nesjum er meitlað af stærsta jökli Evrópu, Vatnajökli. Stutt er að fara í Skaftafell og Jökulsárlón.

Hótel Edda Neskaupstað er í grennd við austasta tanga landsins. Merk söfn eru í nágrenninu, meðal þeirra Stríðsárasafnið á Reyðarfirði og Sjóminjasafn Austurlands á Eskifirði.

Hótel Edda Egilsstöðum er í miðju Fljótsdalshéraði, grösugu og búsældarlegu.

Hótel Edda Eiðum er gamalt skólasetur í fallegu skógivöxnu umhverfi utan skarkala þéttbýlisins. Upplagt er að fara yfir á Borgarfjörð eystri sem býr yfir fágætri fegurð, að ógleymdri álfabyggð.

Hótel Edda Stórutjörnum er í alfaraleið og góð bækistöð, enda er afar margt að sjá og skoða í Þingeyjarsýslum.

Hótel Edda Akureyri er í höfuðstað Norðurlands þar sem í boði er flest það sem hugurinn girnist, sögufræg hús, söfn, lystigarður, golfvöllur, kaffihús, verslanir og þjónusta.

Hótel Edda Laugarbakka er miðja vegu milli Reykjavík og Akureyrar með útsýni yfir Miðfjarðará, eina frægustu laxveiðiá landsins.

Byggðarsafnið að Skógum er glæsilegt

Seljalandsfoss er aðeins í um 5 mínútna fjarlægð frá Hótel Eddu Skógum

Brosandi allan hringinn

Brosandi allan hringinn

Brosandi allan hringinn

Velkomin á Hótel Eddu

Brosandi allan hringinn